1Cor 8 | SBLG | STEP | Περὶ δὲ τῶν εἰδωλοθύτων, οἴδαμεν ὅτι πάντες γνῶσιν ἔχομεν. ἡ γνῶσις φυσιοῖ, ἡ δὲ ἀγάπη οἰκοδομεῖ.

1 Corinthians 8

1 Περὶ δὲ τῶν εἰδωλοθύτων, οἴδαμεν ὅτι πάντες γνῶσιν ἔχομεν. ἡ γνῶσις φυσιοῖ, ἡ δὲ ἀγάπη οἰκοδομεῖ. 2 ^{▼▼ εἴ = WH Treg NA/NIV: || εἴ δέ = RP} εἴ τις δοκεῖ ^{▼▼ ἐγνωκέναι = WH Treg NA/NIV: || εἰδέναι = RP} ἐγνωκέναι τι, ^{▼▼ οὔπω = WH Treg NA/NIV: || οὐδέπω οὐδὲν = RP} οὔπω ^{▼▼ ἔγνω = WH Treg NA/NIV: || ἔγνωκεν = RP} ἔγνω καθὼς δεῖ γνῶναι· 3 εἰ δέ τις ἀγαπᾷ τὸν θεόν, οὗτος ἔγνωσται ὑπ᾽ αὐτοῦ.

4 Περὶ τῆς βρώσεως οὖν τῶν εἰδωλοθύτων οἴδαμεν ὅτι οὐδὲν εἴδωλον ἐν κόσμῳ, καὶ ὅτι οὐδεὶς ^{▼▼ θεὸς = WH Treg NA/NIV: || θεὸς ἕτερος = RP} θεὸς εἰ μὴ εἷς. 5 καὶ γὰρ εἴπερ εἰσὶν λεγόμενοι θεοὶ εἴτε ἐν οὐρανῷ εἴτε ἐπὶ γῆς, ὥσπερ εἰσὶν θεοὶ πολλοὶ καὶ κύριοι πολλοί, 6 ἀλλ᾽ ἡμῖν εἷς θεὸς ὁ πατήρ, ἐξ οὗ τὰ πάντα καὶ ἡμεῖς εἰς αὐτόν, καὶ εἷς κύριος Ἰησοῦς Χριστός, δι᾽ οὗ τὰ πάντα καὶ ἡμεῖς δι᾽ αὐτοῦ.

7 Ἀλλ᾽ οὐκ ἐν πᾶσιν ἡ γνῶσις· τινὲς δὲ τῇ ^{▼▼ συνηθείᾳ = WH Treg NA/NIV: || συνειδήσει = RP} συνηθείᾳ ^{▼▼ ἕως ἄρτι τοῦ εἰδώλου = WH Treg NA/NIV: || τοῦ εἰδώλου ἕως ἄρτι = RP} ἕως ἄρτι τοῦ εἰδώλου ⸃ ὡς εἰδωλόθυτον ἐσθίουσιν, καὶ ἡ συνείδησις αὐτῶν ἀσθενὴς οὖσα μολύνεται. 8 βρῶμα δὲ ἡμᾶς οὐ ^{▼▼ παραστήσει = WH Treg NA/NIV: || παρίστησιν = RP} παραστήσει τῷ θεῷ· οὔτε ^{▼▼ γὰρ ἐὰν φάγωμεν, περισσεύομεν, οὔτε ἐὰν μὴ φάγωμεν, ὑστερούμεθα = RP: || ἐὰν μὴ φάγωμεν, ὑστερούμεθα, οὔτε ἐὰν φάγωμεν, περισσεύομεν = WH NA/NIV; || ἐὰν μὴ φάγωμεν, ὑστερούμεθα, οὔτε ἐὰν φάγωμεν, περισσεύομεθα = Treg} γὰρ ἐὰν φάγωμεν, περισσεύομεν, οὔτε ἐὰν μὴ φάγωμεν, ὑστερούμεθα ⸃. 9 βλέπετε δὲ μή πως ἡ ἐξουσία ὑμῶν αὕτη πρόσκομμα γένηται τοῖς ^{▼▼ ἀσθενέσιν = WH Treg NA/NIV: || ἀσθενοῦσιν = RP} ἀσθενέσιν. 10 ἐὰν γάρ τις ἴδῃ σὲ τὸν ἔχοντα γνῶσιν ἐν εἰδωλείῳ κατακείμενον, οὐχὶ ἡ συνείδησις αὐτοῦ ἀσθενοῦς ὄντος οἰκοδομηθήσεται εἰς τὸ τὰ εἰδωλόθυτα ἐσθίειν; 11 ^{▼▼ ἀπόλλυται γὰρ = WH Treg NA/NIV: || Καὶ ἀπολεῖται = RP} ἀπόλλυται γὰρ ⸃ ὁ ἀσθενῶν ^{▼▼ ἐν = WH Treg NA/NIV: || ἀδελφὸς ἐπὶ = RP} ἐν τῇ σῇ γνώσει, ^{▼▼ ὁ ἀδελφὸς = WH Treg NA/NIV: || [omit] = RP} ὁ ἀδελφὸς ⸃ δι᾽ ὃν Χριστὸς ἀπέθανεν. 12 οὕτως δὲ ἁμαρτάνοντες εἰς τοὺς ἀδελφοὺς καὶ τύπτοντες αὐτῶν τὴν συνείδησιν ἀσθενοῦσαν εἰς Χριστὸν ἁμαρτάνετε. 13 διόπερ εἰ βρῶμα σκανδαλίζει τὸν ἀδελφόν μου, οὐ μὴ φάγω κρέα εἰς τὸν αἰῶνα, ἵνα μὴ τὸν ἀδελφόν μου σκανδαλίσω.